alpas

ang dilim
at gulo
ng mundo
ay nandiyan na
bago ka pa
isinilang ng iyong ina,

ang irasyonal
at mapanghusgang
mata ng lipunan
ay matagal
ng sinisikmura
ng lahat,

ang pagkatao mong
binuo mo ng
ilang taon;
sa pinaghalong
masasaya at
nakakainis at
nakakaiyak at
nakakabaliw
na mga pangyayari
sa buhay mo,
ay ikaw

wala kang dapat
ihingi ng patawad,
sa kahit na ano
sa kahit na sino
wala kang kasalanan
lahat naman makasalanan