BASO

by

Mahal, handa akong maging baso..
Na maging tulay upang pumatid ng uhaw mo
Na tumulong sa patuloy mong pagkabuhay
Na magsilbing instrumento para guminhawa ang pakiramdam mo

At sa oras na mapagod ka mula sa pagtakbo

O 'di kaya'y mula sa matinding pag-iyak na dulot ng mahal mo,
Tandaan mong handa akong maging baso
At sa tulong ng tubig na lulan ko
Mahal tutulungan kitang tumahan.
At papawiin ko lahat ng 'yong pagod.
Dahil bilang iyong baso,
Maging babasagin man ito o bao
Handa akong gawin ang lahat
Madampi lamang ang labi mo sa labi ko.