Kung Paano Nagkasilbi Ang Waiting Shed

by

hindi naman sa lahat ng panahon nakakalungkot maghintay
lalo na kung mayroon namang waiting shed na handang umalalay
isang waiting shed na pananatilihin kang tuyo sa bawat ulan na bubuhos
isang waiting shed na handa kang bigyan ng lilim sa matinding sikat ng araw
isang waiting shed na tiyak na sasamahan ka sa iyong paghihintay

hindi man siya dumating,
nag-aksaya ka man ng panahon sa pag-aabang
ang importante'y hindi ka naman nagmukhang tanga
tangang naghihintay na mag-isa
tapos paano pa kung nasa gitna ka ng kalsada

buti nalang mayroong waiting shed

'di ka man niya naisalba sa kalungkutang hatid ng hindi nya pagdating
pinagaan naman nya ang paghihintay mo sa taong "hindi deserving"