Para Sa Ka-Forever Ko (kung magpapakita ka man sakin o kung meron man)
Para sa Future ko,
Hindi naman sa atat na atat na ako na makilala ka at di na ko makapaghintay sa pagdating mo, pero gusto ko lang talaga sabihin 'to lahat habang wala ka pa. Kasi hopeless romantic ako, oo na.
Sana pag nakilala na kita, ikaw na talaga ang huli. Ikaw na mismo yung nakaguhit sa kapalaran ko. Ang corny ba? Pasensya na ha. Sabi ko naman sayo hopeless romantic ako eh. Wala kasi akong ibang mapaglaanan ng pagmamahal ng matagal na panahon eh, hayaan mo na ko. Kaya nga swerte mo kaya, kasi yung pag-ibig na matagal ko ng iniimbak dito sa puso ko eh, mapupunta yon lahat sayo. Lahat lahat, sayo lang. Pinaghandaan ko kasi talaga yung pagdating mo. Wag ka sanang malunod sa sobrang pagmamahal ko hehe. Kahit sabihin nila na lahat ng sobra ay masama, sobrang pagmamahal ko lang ang exemption don, wag kang mag-alala.
Ang corny ko na naiinis na ko. Sana wag kang mairita sakin sa mga darating na panahon na patuloy akong magiging corny sayo, at clingy. Kasi i swear, clingy din naman ako minsan. Depende sa mood. At weird. At masungit. At moody. Pero mahal ka naman, okay na yon. Tiisin mo nalang sana ang kabaliwan ko. Pero mahalin mo din sana ako. Yung totoong pagmamahal sana. Saktan mo man ako, sana mas lamang pa din yung pagmamahal mo. Kasi sinisigurado ko naman sayong wala na kong ibang iisipin pang gawin, kundi ang mahalin ka lang ng totoo. Pangako yan. Mamahalin kita.
Tiyak na magkakaroon din naman ako ng mga pagkukulang, kasi hindi naman ako perpekto. At sa mga panahon naman na ikaw ang magkulang ay maiintindihan ko naman, pangako. Sa pagkakakilala ko naman sa sarili ko eh, hindi naman makitid ang utak ko at alam ko naman na may hangganan din ang lahat, na may kakayanang magkamali ang lahat.
Pero sana hindi makabilang sa mga may 'hangganan' ang ating pagmamahalan. Gusto ko kasi sanang makaranas na habambuhay na iniibig. Sana ikaw na ang magfulfill ng pangarap ko na yon. Wag mo sanang sayangin ang pagmamahal ko ha? Kasi sulit naman ang pagmamahal mo sakin eh. Oo kaya! ;)
So, paano? Ngayon palang, i'm looking forward na to our forever ha? Sana nagtake down notes ka sa mahaba kong lecture. Hahaha de joke lang. Wag. Ayoko ng scripted na pagmamahalan. Iba pa rin talaga kapag spontaneous ang bawat araw na kapiling kita. Yung tipong bawat sandali na may involvement ka sa araw ko eh sobrang special na non. Kahit hindi kita kasama, basta makausap lang kita, sobrang saya at special na non. Yung kahit pinakasimpleng bagay na pinag-uusapan natin eh parang napakahalaga na sakin. Ganon lang, masaya na ko non. Basta kasama ka. Masaya na ko non.
Mag-iingat ka lagi ha? Di pa tayo nagkikita eh. Hayaan mo, soon. Promise. Sa future. Basta maghanda ka na ha kasi pupunuin ko ang puso mo ng nag-uumapaw na kaligayahan at pagmamahal na walang makakapantay. Gosh, ang sweet haha. Sige, see you when i see you! :)
Love,
Future mo
